10-15 ივნისს ხარაგაულში სამთო გამყოლების ასოციაციის ექსპერტები და მთასვლელები – არჩილ ცინცაძე და ილია ბერულავა იმყოფებოდნენ.

მათ ხარაგაულის მუნიციპალიტეტის განვითარებისა და შიდა ტურიზმის ხელშეწყობის ცენტრის თანამშრომლებს ტრენინგი ჩაუტარეს.

ტურიზმის ცენტრის დირექტორ ბერიკა თურმანიძის ინფორმაციით, ტრენინგის სამი დღე სამთო გამყოლის მოვალეობებისა და შესაძლებლობების შესახებ თეორიული მასალის შესწავლას დაეთმო.

შემდეგი ორი დღის განმავლობაში კი ტრენინგის მონაწილეებმა პრაქტიკული მეცადინეობები გაიარეს ბორჯომ-ხარაგაულის ეროვნულ პარკში – რკინის ჯვარზე, სამეცხვაროსა და ლომისმთაზე.

ტრენინგის მონაწილეებმა საფეხმავლო გამყოლის სერთიფიკატები მიიღეს.