„სოკარ ჯორჯია გაზის“ მარკეტინგისა და პიარის სამსახურის უფროსის, თეონა რუხაძისგან მიღებული ინფორმაციით, ხარაგაულში ახალსოფლის, ბაზალეთის, თეთრაწყაროსა და ჩხერის გაზიფიცირება მიმდინარეობს. მისი თქმით, სამუშაოები წლის ბოლომდე აუცილებლად დასრულდება.

გაზიფიცირების სამუშაოებს ხარაგაულის სოფლებში შპს „ინტერგაზი“ აწარმოებს. კომპანიის მთავარი ინჟინერის, ზურაბ გიქოშვილის ინფორმაციით, მათთან, როგორც ბუნებრივი გაზის გამანაწილებელ ლიცენზირებულ კომპანიასთან, „სოკარ ჯორჯია გაზმა“ ხელშეკრულება ერთ პირთან მოლაპარაკებით გააფორმა.

გაზიფიცირების სამუშაოები 15 ივნისს დაიწყო. ზურაბ გიქოშვილის ინფორმაციით, სამუშაოებზე ძირითადად ადგილობრივ მაცხოვრებლებს დაასაქმებენ.