ლიტერატურული კონკურსის – „ოდეონი – 2016“ გამარჯვებულები „ობიექტივის“ პირდაპირ ეთერში ჟიურის თავმჯდომარე როსტომ ჩხეიძემ დაასახელა.

ჟიურის გადაწყვეტილებით, საუკეთესო პროზაული ნამუშევრის ავტორია ნათია როსტიაშვილი. 

პოეზიაში ორი გამარჯვებული გამოვლინდა – ირმა მალაციძე და ედუარდ უგულავა.

„ოდეონის“ იდეის ავტორისა და ორგანიზატორის, ხარაგაულის რ. თაბუკაშვილის სახელობის ლიტერატურული თეატრის ხელმძღვანელის, იზა ვეფხვაძის, ინფორმაციით, ნათია როსტიაშვილი 400 ლარით დაჯილდოვდება, ხოლო პოეზიაში გამარჯვებული კონკურსანტები 200-200 ლარს მიიღებენ.

ჟიურიმ ხუთი საუკეთესო ნამუშევრის ავტორი დაასახელა: ნინო მოდრეკილაძე, მამუკა ჭიპაშვილი, ეკა ქურხული, მაია მიქაია და ლევან ლორია.

ლიტერატურული კონკურსი წელს მეთერთმეტედ ჩატარდა. „ოდეონს“ ამჯერად ფარცხნალმა უმასპინძლა.