ხარაგაულის #2 საჯარო სკოლის მე-4 კლასელებმა პირველ მასწავლებლებთან გამოსამშვიდობებელი ღონისძიება გამართეს.

მათ ლექსები, სიმღერები და ცეკვები მიუძღვნეს მასწავლებლებს და პირობა დადეს, რომ გმირი წინაპრების ღირსეული შთამომავლები იქნებიან.

მეოთხე კლასელებს გზა დაულოცეს მომავალმა პირველკლასელებმა.

მასწავლებლები – ლია სანიკიძე და ნინო ფცქიალაძე ემოციებს ვერ მალავდნენ.

„ორივე თაობისათვის მნიშვნელოვანი დღეა და წარმატებებს გისურვებთ ცხოვრების გზებზე, – მიმართა ნინო მასწავლებელმა მოსწავლეებს, – დიდი მადლობა იმ ოთხი წლისათვის, რომლებიც თქვენთან ერთად გავატარე. კიდევ მრავალი თაობა აღგვეზარდოს, ლია მასწავლებელო, ერთმანეთის გვერდში დგომით.“

ხარაგაულის #2 საჯარო სკოლის დირექტორმა ვალერი გოგნაძემ მოსწავლეებს წარმატებები უსურვა. მისი თქმით, ყოველ წელს ხარაგაულის საბავშვო ბაღებიდან საუკეთესო თაობა მოდის.

me-4 klasi (1) me-4 klasi (3)