სათავგადასავლო ტურ-თამაშების პირველი ეტაპი 27 მაისს დაიწყება და მასში საქართველოს სხვადასხვა რეგიონების გუნდები ჩაერთვება.

ამ პროექტს ხარაგაულის მუნიციპალიტეტის განვითარებისა და შიდა ტურიზმის ხელშეწყობის ცენტრი, უკვე მესამე წელია, ახორციელებს.

„შარშან სათავგადასავლო ტურ-თამაშებში ხარაგაულის, თერჯოლისა და ზესტაფონის მუნიციპალიტეტების გუნდები მონაწილეობდნენ, – ამბობს ტურიზმის ხელშეწყობის ცენტრის დირექტორი ბერიკა თურმანიძე, – წელს ასევე ველოდებით ქუთაისის სკაუტური ორგანიზაციის, თბილისის, გორისა და ჩოხატაურის მუნიციპალიტეტების გუნდებს. ამ პროექტში მონაწილეობის სურვილი მათ თვითონ გამოთქვეს.

ტურ-თამაშები ხარაგაულში, დევის ხვრელის ტერიტორიაზე, დაიწყება. მას შემდეგ, რაც ხარაგაულის მუნიციპალიტეტის სამი გამარჯვებული სკოლის გუნდს გამოვავლენთ, თამაშში სხვა მუნიციპალიტეტების სკოლები ჩაერთვებიან. ფინალი ბორჯომ-ხარაგაულის ეროვნულ პარკში, მარელისის ხერგილზე, გაიმართება.“

თამთა გოგოლაძე

ფოტოზე: ტურ-თამაშები ხარაგაულში, 2015 წ. მაისი