18 მაისს მუზეუმების საერთაშორისო დღესთან დაკავშირებით ხარაგაულის ისტორიული მუზეუმი ხარაგაულის ქუჩებში მსვლელობას აწყობს.

ისტორიული მუზეუმის დირექტორის ნინო დიდიძის ინფორმაციით, მსვლელობა დღის პირველ საათზე ხარაგაულის ისტორიული მუზეუმის ეზოდან დაიწყება. მოხალისე გიდები – ხარაგაულის საჯარო სკოლების მოსწავლეები, მუზეუმის სტუმრებს ექსკურსიამძღოლობას გაუწევენ. მუზეუმის ყველა თანამშრომელი ეროვნულ ტანსაცმელში იქნება გამოწყობილი.

18 მაისს მუზეუმების საერთაშორისო დღე მსოფლიო მასშტაბით აღინიშნება. ამ თარიღთან დაკავშირებით საქართველოს სხვადასხვა მუზეუმში მთელი კვირის მანძილზე მრავალფეროვანი ღონისძიებები – გამოფენები, საგანმანათლებლო პროგრამები და კულტურული აქციები გაიმართება.