ხარაგაულის კულტურის ცენტრთან არსებული ბავშვთა ქორეოგრაფიული ანსამბლი „უბისი“ (ქორეოგრაფები ზაზა და ელისო ლურსმანაშვილები) ქართული ქორეოგრაფიის ეროვნულმა ცენტრმა 15 ივლისს ბულგარეთის ქალაქ ნესებრში საერთაშორისო ფესტივალ-კონკურსზე მიიწვია.

„კონკურსში 15 ქვეყნის ბავშვთა ქორეოგრაფიული ანსამბლები მონაწილეობენ, რომლებმაც სხვადასხვა დროს თავიანთ ქვეყანაში გაიმარჯვეს ფესტივალ-კონკურსებში. გვჯერა, რომ ანსამბლი „უბისი“ ფესტივალზე წარმატებით წარადგენს საქართველოს და ქართულ ფოლკლორს, – ნათქვამია ქართული ქორეოგრაფიის ეროვნული ცენტრის დირექტორ ზაზა მჟავანაძის წერილში, რომელიც მან ხარაგაულის მუნიციპალიტეტის გამგებელს გამოუგზავნა.

ქართული ქორეოგრაფიის ეროვნული ცენტრი მუნიციპალიტეტის გამგებელს მიმართავს თხოვნით, რომ ხელი შეუწყოს კონკურსში ანსამბლ „უბისის“ მონაწილეობას.